06:46 م
الجمعة 30 يونيو 2023
كتب مروان الطيب:
حلت النجمة منة شلبي ضيفة على برنامج “سهرانين” تقديم الفنان أمير كرارة والذي يعرض على قناة “ON”.
وتطرقت “منة” لنجاح مسلسلها “أرض جو” والذي عرض بالنصف الثاني لماراثون دراما رمضان الماضي، إلى جانب علاقتها بعدد من نجوم وصناع السينما في مصر منهم المخرج الراحل محمد خان.
وعن علاقتها بالراحل محمد خان قالت: “كنت بقوله ميمي عشان كان سامح لي بالمساحة الشخصية دي بيني وبينه هو شخص استثنائي غير ان هو مخرج استثنائي وأعماله هي اللي بتقول انه كان علامة مسجلة وبيجي لي أفلام كتير جداً فيها روح محمد خان وفيه ولاد وبنات كتير جداً متأثرين جداً بمدرسته”.
وعن نشوب خلاف بينها وبين الفنانة هند صبري: “احنا طلعنا أنا وهند مع بعض هي كانت بتعمل مواطن ومخبر وحرامي و مذكرات مراهقة وأنا في نفس الفترة كنت بعمل الساحر وبحب السيما وأدورانا كانت جريئة في الأول جداً وكان في منافسة بينا وكنا لسه صغيرين وقتها وأي حد كان بيقول اي حاجة كنا بنسخن”.
واستكملت “وبعدين اشتغلنا مع بعض فيلم أحلى الأوقات وكل واحدة فينا كتفها كان عالي على الثانية وكان في وسطنا ست البنات حنان ترك بس كنا في بينا ود شديد وحنان ترك كانت هي همزة الوصل بينا أنا وهند وبعدين جالنا بنات وسط البلد واحنا الاتنين مكنش في بينا خلاف لكن مكنش فيه بينا حب لكن كنا ممثلين محترفين”.
وأضافت “وفي وسط الفيلم قعدنا أنا وهند عشان نشوف ايه سبب الخلاف لقينا أن في ناس جميلة استغلت شوية تفاهات وعملت حاجات مكانش ليها أصل وفي احترام شديد جداً في رحلة طويلة جداً بيني وبين هند”.
