01:20 م
الإثنين 03 يوليو 2023
كتب هاني صابر:
تحدثت الفنانة تغريد فهمي، عن الفنانة الراحلة زيزي مصطفى كونها كانت أقرب أصدقائها بالوسط الفني.
وقالت تغريد، في تصريحات تليفزيونية ببرنامج”المنسي”: “زيزي مصطفي ودلال عبد العزيز كانوا قريبين مني، وزيزي الله يرحمها كانت حبيبتي أوي مكنتش بسيبها ولا بتسيبني، كنا دايما مع بعض وكنا صحاب جدا لحد ما اتوفت بسبب فنانة موجودة دلوقتي”.
وعن سبب وفاة الفنانة زيزي مصطفى، فأوضحت: “توفت بسبب فنانة موجودة دلوقتي في الوسط، لأنها كانت متجوزة يسري مصطفى وكان تعبان جدا وكانت زيزي قاعدة جنبه الفترة دي، ولما شد حيله، فيه ممثلة اتجوزها، وزيزي ما أعلنتش، وبقيت أنا اللي عارفة وهي عارفة ومحدش يعرف تاني”.
وتابعت: “الممثلة دي كنا بنشوفها وبنسلم عليها وزيزي الموضوع أثر فيها نفسيا وانهارت لما الموضوع بدأ يتعرف شوية فزعلت مع إنها كانت من النوع الحمولة تتحمل أي حاجة ومتقولش ومتبكيش”.
وأضافت: “كنت بكلمها قبلها بساعة وكانت بتقولي أعمل إيه مع يسري.. كنت أنا اتكلمت معاه الله يرحمه، وندم جدا لأنها كانت متجوزاه عشان تشتغل، وبقت تقوله كلملي مخرجين ومنتجين ولما معملش ده سابته”.
يذكر أن، زيزي مصطفى رحلت عن عالمنا يوم 13 فبراير 2008 في منزلها بمصر الجديدة إثر تعرضها لنوبة قلبية.
