كشف مطرب الراب ويجز عن أسباب عدم تكرار تجربة التمثيل، رغم نجاح مشاركته في مسلسل بيمبو، عام 2021، كما تحدث لأول مرة عن ألبومه الجديد وحفلاته الفنية داخل مصر وخارجها، مؤكداً أنه سيعوض جمهوره عن فترة غيابه بالعديد من الأعمال الفنية.
وقال ويجز خلال لقائه برنامج ET بالعربي عن تكرار تجربة التمثيل: «لسه مختارتش حاجة، ولكن متحمس، والتجربة بتحتاج وقت كتير وتحتاج التزام، وأنا مش ملتزم اليومين دول، وإن شاء الله من يوم 1 في الشهر هلتزم».
ويجز: أنا فخور بنفسي
وأشار ويجز إلى أنه يعكف في الفترة الحالية على تحضير ألبوم جديد، كما أنه يستعد لإحياء العديد من الحفلات في جولة عالمية، المقرر بدؤها في شهر أغسطس المقبل، قائلاً: «بحس إني فخور بنفسي لما بلاقي حد تاني بيغني، وبحس إن المزيكا بقى ليها شكل جديد».
وتابع ويجز: «لما حد في العادي بيقولي الأغنية حلوة بتبسط على حاجتي اللي اشتغلت عليها، ومفيش حد بيبقى راضي عن شغله مهما كان ممكن نقول 90%، وبنسبة 10% بحتاج أزودها في كل حاجة جديدة جاية».
أما عن سبب تأخره في طرح أغانٍ منفردة خلال الفترة الماضية، قال ويجز مازحاً: «مشغول جداً في إجازات وحمام سباحة وبحر وسحلية، تلاقيني سحلية في موضوع الصحراء».
ويجز: «حتزهقوا مني في صيف 2023»
وأشار ويجز إلى أنه يعكف حالياً على تحضير ألبوم جديد، وقال: «هتزهقوا مني»، متابعاً: «بحس إني فخور بنفسي لما بلاقي حد تاني بيغني، وبحس إن المزيكا بقى ليها شكل جديد، وناس جديدة بتطلع على طول بتعمل مزيكتها وشكلها، وده بيخليني أسخن تاني، وفيه ناس تانية شغالة بقى بقول لازم أرجع بقى».
وعن إحيائه حفلات في جولة عالمية، استطرد ويجز: «بقينا في مستوى ينفع نعمل فيه كده، وناس كتير عايزانا نشتغل بره، وحاسس إنها حاجة كويسة للعرب والمصريين اللي عايشين بره، مبيبقاش فيه فرصة يشوفوها لايف أو مزيكا وحشاهم، أعتقد هتكون حلوة لينا إحنا الاتنين؛ أنا أولاً هكتشف آفاق جديدة وبتحمس أكتر، لأن الناس اللي هناك بجد بيبقوا مبسوطين».
أبطال مسلسل بيمبو
يُذكر أن ويجز شارك في تجربة التمثيل مرة واحدة ببطولة جماعية لمسلسل «بيمبو» الذي عُرض على منصة شاهد الإلكترونية عام 2021، ولعب خلاله دور رجل يُدعى جابر، ودارت أحداث المسلسل حول بيع بيمبو أحمد مالك الممنوعات لكي يسدد ديونه بعد أن خسر أمواله في حادث سرقة، ولكنه يتحول لمحقق مبتدئ عندما يبدأ بالبحث في جريمة قتل امرأة واختفاء أخرى.
وضم مسلسل بيبمو العديد من الفنانين مع ويجز، منهم: هدى المفتي، أحمد مالك، ملك الحسيني، محمد لطفي، أحمد بسيوني، عباس أبو الحسن، سارة عبد الرحمن، سينتيا خليفة، طه دسوقي، أحمد الأزعر، حسن مالك، والمسلسل من تأليف منة فوزي ومحمد أديب، وتحت قيادة المخرج عمرو سلامة.
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
