09:07 م
الأربعاء 16 أغسطس 2023
كتبت أميرة حلمي
أثار مقطع فيديو نشرته نهاد أبو القمصان رئيس المركز المصري لحقوق المرأة، حالة من الجدل عبر حسابها على “تيك توك” وصفحتها الموثقة على “فيسبوك” التي تحمل اسم “Hekayat Nehad حكايات نهاد”.
عنونت “أبو القمصان” مقطع الفيديو بـ”موضة الدور سلكتور فى الحفلات فى الساحل والقاهرة”، واستنكرت ما حدث معها في الساحل الشمالي.
وقالت: “أنا كنت متخيلة زمان إن معايا فلوس.. ادخل المكان اللي عايزه بفلوسي.. لكن معايا فلوس والناس تتحكم فيها كمان!”.
وأضافت: “الحفلات بالليل في الساحل.. بيقولك فيه حاجة اسمها “دور سلكتور”.. واحد كدا لازم يعمل لك فحص كشف هيئة.. يبص على حسابتك على إنستجرام وفيسبوك علشان يقرروا أنت تصلح تدخل الـnight club دا ولا لأ”.
وتابعت ساخرة: “لما ولادي قالوا لي كدا.. قولت لهم دا أنا أجيبه من قفاه وأجيب صحيفة سوابقه.. وأنا اللي هعمل لك كشف هيئة.. دور سليكتور مين.. دا غالبا هكون مطلعاله من 3 جنح ضرب ولا مخدرات ولا بتاع”.
واستكملت: “إنتو الكلام دا يدخل عليكوا.. يعني أنا بفلوسي واحد يقعد ينقي.. يختار بناءً على إيه بقى؟ على الشنطة الل أنا لابساها ولا على إيه؟!!”.
وواصلت استنكارها: “الولاد لما يقولولي متنفعيش تجيي معانا.. ليه.. علشان إنتي محجبة.. وممنوع دخول المحجبات.. طيب بالسلامة.. هما اللي خسرانين.. وبستغرب أوي من البنات اللي تقول مبيدخلوش المحجبات.. وإنتي إيه الل حشرك.. ما من حبنا حبناه وصار متعنا متاعه ومن كرهنا كرهناه ويحرم علينا اجتماعه”.
