09:00 ص
السبت 21 أكتوبر 2023
كتب مروان الطيب:
أجرت الفنانة صفاء أبو السعود مداخلة هاتفية على قناة “dmc” وتطرقت خلاله لما يجري من أوضاع مؤسفة للشعب الفلسطيني وعن دعم الفنانين للقضية الفلسطينية.
وعلقت على الأحداث وتأثيرها قائلة: “أنا بقالي أكتر من 4 أيام دموعي لا تتوقف، النار مشتعلة في كل مكان شيء فوق الاحتمال مافيش أي دين من الأديان يقول حلال قتل الروح ازاي تقتلوا هذه الأرواح وهؤلاء الأطفال”.
واستكملت: “شيء موجع فظيع مدمر للنفس البشرية اللي الواحد مش قادر يستحمل ربنا موجود يحميهم والقلوب بقت أشد قسوة وعندهم غفلة وغرور وكل دين قال حرام قتل الأبرياء فلماذا هذه الدماء تتوقف، ولازم يسمحوا للمساعدات انها تدخل تنقذ ناس معندهمش لا اكل ولا كهربا ولا ميه حرام الطفل أولا وكبار السن اللي موجودين”.
مضيفة: “أنا مببطلش بكى على اللي بشوفه طول الليل والنهار مبعرفش أنام كل يوم الصبح وأنا قدام التليفزيون وبشكر الرئيس السيسي على هذا الدعم ولكنه لم يصل بسبب المعوقات ونتمني من كل رؤساء وملوك العالم يتحدوا لحل هذه القضية ولا نملك إلا الدعاء وبقينا منتظرين معجزة إلاهية”.
وتابعت: “الناس في كل حته في العالم حتى في مناطق اليهود نفسها متعاطفين لأن مفيش حد يحب يشوف حد بيقتل بلا سبب وازاي أضرب مستشفى جاي فيها مريض يتعالج لا يستطيع الدفاع عن نفسه إزاي يجيني هذا القلب مفيش دين من الأديان بيحث على قتل الأبرياء”.
وأنهت حديثها قائلة: “حرية أني أقول رأيي وأقول ما يحدث بالفعل وحقائق قدام عينينا مش بنتدعي بقينا في ما يحدث في آخر العالم بيجيلنا في ثانية ومبقاش محاجة مختفية عن البشر وأي حد شايف اللي بيحصل ازاى تمنع رأيي كلمة حرام اتنست مش قادرين نقول كلمة الحق انه حرام قتل الناس”.
