يسعدنا في موقع سواح ميديا ان نقدم لكم اخر وافضل الحلول لأهم واكثر الأسئلة إنتشاراً سواء كانت الأسئلة التعليمية او الاسئلة العامة.
وفي هذا القسم نعرض اجابات لأهم الاسئلة التي تشغل بال القارئ العربي، وفي هذه المقالة سوف نعرض اجابة السؤال ما هي قصة كل نفس وما اشتهت ، ونتمنى ان نكون قدمنا المساعدة اللازمة.
كان فيه شايب وعنده ثلاثة أولاد وكان يشتغل بالتجارة ويصرف على عياله ويعني متيسرين
ومن قبل ما يموت وهو يوصيهم ..عليكم بالزراعة عليكم بالتجارة عليكم…عليكم ….
ويوم توفى وصاهم نفس الوصية ..المهم اشتغل كل واحد في مجال واحد اشتغل في التجارة وهاه ممشي حاله وواحد مشتغل في الزراعة والثالث ما توفق ويحاول كل ما جا بيشتغل في شي ما عرف له المهم قال لاخوانه انا باسافر باشوف لي شغل يمكن اتوفق فيه
.. المهم ويجمع ورثه يمكن طلع له حوالي 3 آلاف ويسافر ويشتغل هناك ….
نفس الشي ما توفق المسكين
راح للحراج عندهم قال ان شاء الله القى لي شي هناك … المهم ويلقى ذاك الرجال اللي يصايح …. ( من يشتري النصيحة بألف … من يشتري ) قال خلني اشتريها يمكن تنفعني .. يالاخو هذي الالف عطنا النصيحة قال له(لا تخن من ائتمنك)
ويقوم باكر ويدور شغل ما نفع في شي إلى الآن ويروح الحراج ويلقى ذك اللي يقول (من يشتري النصيحة بألف) ويطلع له ألف ثانية ويقول عطنا النصيحة قال له ( إذا جاك الفال لا ترده )..يعني إذا جاك الخير لا تقول ما أبي ..
ويروح يدور له شغل ما توفق المسكين وقال إذا اخذت نصيحة بالألف الثالثة بتخلص فلوسي … بس راح اشتراها و قال له (كل نفس وما اشتهت)
وقضت فلوسه…. وشاف ان الحاكم هناك بيسوي له قصر وقال خلني اشتغل مع العمال ادور عيشه … ويوم اشتغل وشافه الحاكم يديه ناعمه ومهوب جلف قال له : انت ما تصلح شيل وحط انت خلك تودي الاكل للعمال احسن لك
واجتهد والله في شغله واعجب به وزير الحاكم
ويوم قضوا من البناء قال الوزير للحاكم شف ذا معجبني خله في القصر بينفعنا في القصر
عاد الحاكم قال : طيب خلوه ونشوف وش بيسوي … وكان أمين مررررة ولين دخل وفيه حريم نزل راسه
وكان اخلاق واعجب الحاكم ..المهم الاميره بنت الحاكم صك في راسه انها تحج وابوها مهوب فاضي لها منشغل في الدوله ومصاريفه
ا ..يا بنت خليها بعدين ما تبي الاّ بتحج ذا السنة…قال الشكوى لله بس منتيب رايحه لحالك باودي معك الولد ذا لانه امين وما يتوصى
لين دخل وفيه حريم نزل راسه فأكيد هو اللي بيحافظ عليك ويحميك
… وراح معها ومع الوزير ومع العبيد طبعاً وطريق وتعب ومدري وشلون
ومن طول الخط ملّت الاميره وعلى ما قالوا (النفس امارة بالسوء)
وفي نص الطريق قالت للي معها : انا مليت من طول الطريق .. و .. ودي احد يوسع صدري ينوم جنبي …
قال لها : لااااااااا .. كلش الا ذي هذي خيانة ابوك وصاني عليك وهو تذكر الالف اللي راحت منه (لا تخن من ائتمنك)
وهي معزمه … وهي معيي قال مافيه ابد ..
وكملوا ولا صار شي الحمدلله والوزير والله يرقل خايف انهم يقشعونه ويحطون ذا بداله
عاد بدت حركات النذاله …. فيه بئر كلهم عارفين انه يخوف ومحد يروح عنده
الاّ ذا ما يعرف لانه مهوب بلده ما يعرف ذا البير زين …
المهم قال الوزير : من ينزل يعبي لنا مويه .. من ينزل …كلهم ما يبون دارين وش اللي تحت …
قال : يله اللي ينزل اعطيه ذا الذهب وش رايكم …. محد بغى ..
ويشوف ذا الضعيف الذهب وما صدق خبر قال :انا انا انزل
..المهم وينزل تحت .. وصار اللي ينزل تحت يلقى (بسم الله) جني ووحدة شييييينة مرة و الجني يحجر للي ينزلون تحت يقول لهم وش رايكم في ذي؟ يقولون : وعععع … يقوم الجني يذبحهم …لان الجني يحبها
…المهم يوم نزل ذا حجر له الجني قال له وش رايك في ذي؟ قام تذكر الالف اللي راحت منه (كل نفس وما اشتهت) قال له : كل نفس و ما اشتهت.. ورضى الجني وخلاه يعبي
يوم رقى واستغرب الوزير: كيف قدر يجيب المويه !!
قال خلاص ما فيه ذهب جب الذهب اللي عطيتك وعطاه ما يقدر يسوي شي مهوب بيده..
ويحاول الوزير ويخطط مع اللي معه عليه لانه خايف انه ينقشع ويصير هذا وزير بداله
فقال خلني بعد ما تحج البنت اعطيه ورقه اقول له هذي البشاره وهي اصلاً مكتوب فيها انه خاين واننا طول الطريق نراقبه عشان بنتك …
ويسبقنا للحاكم ويعطيه البشاره … يوم حجت البنت وقضت وكتب الورقة عطاه الورقة وقال له رح اسبقنا وعطها الحاكم قال طيب وحطها في مخباته
وهو في الطريق شاف ذيك الخيمة وشابين نار ودنيا وريحة المفطح طالعة وذا منتهي يبي ياكل أي شي وتذكر بعد فلوسه يوم قال له ( إذا جاك الفال لا ترده )
وقالوا له تفضل وقعد ياكل ياكل وقالوا وش قصتك قال والله انا كذا كذا قال واحد منهم : خلاص جب الورقة وانا اسلمها عنك قال طيب
ويروح الرجال ويعطيها الحاكم ويقوم الحاكم ويامر بذبحه (يحسب انه ذاك اللي راح مع بنته) ويقصون راسه ويوم جا الوزير وربعه قالوا الحمدلله مات ذا الخاين الحمدلله ..
وبعد كذا جا واحد قال السلام عليكم ولينه هو قالوا وشلون قتلته وهذا هو
…. قال الحاكم :اسكتوا كأن مافيه شي … قال : وين خويي اللي جاب الورقه قال : وديناه مشوار ثاني (يصرفه)
قال له الحاكم تعال ابيك في كلمه … قال له وش اللي صار بالضبط … قال : السالفة كذا وكذا
… ودرى الحاكم ان الوزير خايف على منصبه …
ويوم درى عن حركة بنته ..قال خلوها مستوره …
ومشت الايام وصار ذا يترقى يترقى لييييييين مات الوزير وصار هو الوزير
بعدين عينه الحاكم ولي العهد
… ومات الحاكم .. وتزوج هو الاميره وحكموا مع بعض ….
وبغى يوسع القصر فطلب عمال .. وكانوا اخوانه ما عاد عرفوا يشتغلون فسافروا نفس البلد ويلقون العمال ويشتغلون معهم ويجي الحاكم (اخوهم) ويقول يديكم مهيب يدين عمال …. (حلى هو) ….. قال : هلا هلا وش اخباركم ..وش مسويين … ضيعتوا مثلي قالوا ايه والله … وانت وش ذا العز وش مسوي بك كذا … قال والله انا اول راح حلالي على ثلاث نصايح وهي اللي وصلتني لكذا بعد الله قالوا وش هي.. قال: ( لا تخن من ائتمنك ) ( كل نفس وما اشتهت ) ( إذا جاك الفال لا ترده )
قصة “كل نفس وما اشتهت” تحكي قصة شايب وأولاده الذين ورثوا منه نصيحة قبل وفاته بأن يتبعوا المجال الذي أقتبسها لهم. شخصٌ انتقل للبحث عن فرصة في الخارج واكتشف أن النصائح لم تجلب له التوفيق. في رحلته وبمرور الوقت، وجد نفسه في مناطق استثمارية مختلفة. بعد أن خسر كل ما لديه، وجد أخيرًا النصيحة الثالثة “كل نفس وما اشتهت” التي قادته للعثور على النجاح. لكنه تذكر النصيحة وألقى بالذهب الذي حصل عليه لقاء الماء الذي أخذه من بئر يديره جني، وبذلك اجتاز الاختبار ورأى نجاحه.
نقدم لكم في سواح ميديا محتوى متنوع من مختلف المصادر العربية على الإنترنت في محاولة منا لإفادة القارئ العربي وتقديم اجابات لجميع الأسئلة والتساؤلات بطريقة سهلة وفعالة.
وفي نهاية المقالة الخاصة بـ ما هي قصة كل نفس وما اشتهت نتمنى ان نكون قد ساعدناكم في حل تساؤلاتكم، ونتمنى لكم التوفيق جميعاً، ونرجوا ان تقوموا بمشاركة المقال على منصات التواصل الاجتماعي لنشر الإفادة للجميع.
