08:11 م
الأربعاء 30 أغسطس 2023
تحدثت المطربة أنغام، عن وفاة عمها المطرب عماد عبد الحليم، الذي توفي بسبب الإدمان بحسب وصفها.
وقالت أنغام، ببرنامج ABtalks، عن وفاة عمها: “كان فراق صعب لأن عمي مش كبير عني كتير، وفرق العمر بيني وبينه زي الفرق بيني وبين أخويا خالد وكأنه أخويا الكبير”.
وتابعت: “كان شخصية ما جاش زيها في كل حاجة، وكان صاحبي وكنت مهمة أوي عنده، وهو فتى أحلامي والراجل اللي بحب شكله، وكان دمه خفيف وطيب جدا وحنون على الكل”.
وأضافت أنغام: “عمي مات صغير وعمره 35 سنة، وكنت عارفة إن نتيجة طريقة حياته موت محتوم، ووقت وفاته في التسعينيات مكنش في وعي كافي باستيعاب شاب مدمن، وكانوا بيتعاملوا معاه بقسوة مش كمريض محتاج مساعدة كبيرة وطويلة، وهو كان بيطلب المساعدة ويحاول”.
