11:23 م
الخميس 20 يونيو 2024
كتب معتز عباس:
علق الفنان حسام حبيب، على ما أثير خلال الأيام الماضية، حول انتشار تسجيل صوتي متداول له، تحدث فيه عن خطوبة المطربة شيرين عبد الوهاب، وهجومه على أسرة شيرين.
ونشر برنامج “ET بالعربي”، تسجيل صوتي للفنان حسام حبيب، عبر موقع “إنستجرام”، كشف فيه حقيقة التسجيلات الصوتية التي انتشرت مؤخرًا، متوعدًا كل من ينشر هذه التسجيلات والمحادثات بمقاضاته أمام المحاكم.
وقال حسام حبيب: “طبعا الفويسات دي أنا ما صرحتش بيها، دي حاجات متسربة من تليفوني ومتاخدة ودي جريمة يعاقب عليها القانون، وأي حد هيشير كلام أنا لم أصرح به للصحافة والإعلام سأتقدم ببلاغ ضده”.
وأضاف: “بحذر أي حد يستخدم أي فويس من الفويسات دي، تاني حاجة محتوى الموضوع إن أخو شيرين مضى توكيل بأثر رجعي ولا يحق له التوكيل أو يمضي بأثر رجعي أو إنه يتنازل عن السوشيال ميديا بتاعت شيرين بدون علمها ده متقدم بيه بلاغ رسمي من المستشار ياسر قنطوش النيابة والنائب العام”.
وتابع: “أنا مش بقول كلام مرسل أو اتهامات مش موجودة، إنما بقول اتهام شيرين اللي مقدمه بيه بلاغ عن طريق المحامي ياسر قنطوش، بيقول نفس الكلام ده أنا مبقولش كلام من عندي، وأعتقد الناس قبل ما تهاجم المفروض تفهم إيه السبب اللي مانع شيرين النهاردة على أن هي تتواصل مع جمهورها أو تنزل أغاني جديدة”.
وأوضح: “الجمهور هيتسببوا في مشاكل كبيرة بين شيرين وشركة الإنتاج بتاعتها، أعتقد ده رأيي يعني أن الناس تفهم ليه شيرين متعطلة ومش عارفة تنزل حاجة، وسبحان الله أنا مقصدش أقول أي حاجة أو أصرح على لسان شيرين عن أي حد، أنا بتكلم في محادثة خاصة على تليفوني أن حد ياخدها ويسربها وينزلها ده شيء غير أخلاقي”.
وأكمل: “أي حد هيتداول التسجيلات الصوتية يبقى بيعمل نفس الجريمة، أنا بحذر أي حد يتناول أو ينزل هذه الفويسات على لساني لأني لم أصرح بيها والمحتوى بتاعها سليم ومتقدم بيها بلاغات في مكتب النائب والنيابة، أي حد هيتكلم عني من الجمهور أو موقع صحفي هتقدم ضده ببلاغ ومش هتنازل عنه”.
وكان موقع ET بالعربي نشر في وقت سابق، مكالمة صوتية للفنان حسام حبيب أعلن خلالها تهنئته لطليقته النجمة شيرين عبد الوهاب على خطوبتها لرجل أعمال من خارج الوسط الفني.
وقال حسام حبيب في الرسالة الصوتية لـ ETبالعربي:”ألف ألف مبروك، وبتمنالك احلى حاجة فى الدنيا، وسعادة وأنا بجد سعيد، عشان العشرة والصداقة اللي بينا، وهي دي اللي بتدوم، وتفصل كدا احلى حاجة فى الدنيا”.
وأضاف: “أنه قرر عمل أغنية خاصة لشيرين عبد الوهاب وخطيبها، بألبومه الجديد، المقرر طرحه الأيام المقبلة، لأن خطيبها رجل محترم جدا جدا، وبحترمه جدا”.
وأعلنت شيرين انفصالها عن زوجها السابق الفنان حسام حبيب بعد وقوع خلافات بينهما.
اقرأ أيضا..
القبض على مغني الراب الأمريكي ترافيس سكوت لهذا السبب
بالصور.. ميرنا نور الدين تتألق في أحدث جلسة تصوير من إيطاليا والجمهور يعلق
