09:59 م
الثلاثاء 03 سبتمبر 2024
كتب معتز عباس:
عقب السيناريست مدحت على العدل، على تصريحات الفنانة إلهام شاهين، بشأن صلاة المخرج داخل “لوكيشن” العمل الفني، والتي أثارت حالة من الجدل الفترة الماضية.
مدحت العدل، تحدث لفضائية “Ten”، وقال إن موضوع الصلاة أثناء التصوير بسيط وسهل ولا يحتاج لكل هذا الجدل، مرادفًا، “الراجل رايح يصلي 5 دقائق الدنيا مش هتتهد يعني، طالما مش هيروح يقعد ساعتين، إحنا بنعمل قضايا من غير قضايا، عايز تروح صلي روح صلي يا سيدي، هنقول لا يعني، ماهو إحنا كلنا مسلمين وبنصلي كلنا في أوقات مختلفة”.
على هامش مشاركته في مهرجان القاهرة الدولي للمسرح التجريبي، أضاف، العدل: “التصوير بيعطل 20 ألف مرة وبناخد بريك، والموضوع بسيط، لكن في الوضع العام لو بعمل مشهد والممثل منفعل مينفعش اقوله استنى معلش هروح أصلي، أستنى خلص وروح صلي، إحنا بنقعد نخلق قضايا ليس لها معنى لمجرد استعراضها على السوشيال ميديا.. اللي عايز يصلي يصلي مش يمكن يدعي والعمل ينجح”.
أعاد رواد مواقع التواصل الاجتماعي، خلال الساعات الماضية، تداول مقطع فيديو قديم للفنانة إلهام شاهين تم تصويره منذ حوالي عامين.
وقالت إلهام شاهين، في تصريحاتها: “اشتغلت مع أحد المخرجين، كان راجل طبيعي جدًا عادي، فجأة تدين بشكل غريب جدًا، في كل آذان يسيب التصوير والكاميرا دايرة ويسيب الممثلين، لا وكمان ياخد كل العمال معاه وينزل يصلي”.
اقرأ أيضا..
جورجينا تخطف الأنظار في البندقية قبل حضور فعاليات مهرجان فينيسيا السينمائي
بالصور.. درة تتألق بفستان أحمر في أحدث جلسة تصوير
