04:59 م
الثلاثاء 11 يوليو 2023
هاجمت الفنانة المعتزلة عبير الشرقاوي ابنة المخرج جلال الشرقاوي الفنان علي الحجار بعد تصريحاته بأنه أستاذ للفنان مدحت صالح.
وكتبت عبر صفحتها الشخصية بموقع التواصل الإجتماعي “فيسبوك” : “أعوذ بالله من الكبر و من الغرور.. مدحت صالح بلبل مغرد أما إنت فصوتك أشبه بالحجر بلا مشاعر ولا طرب”.
وذلك بعد أن كشف الفنان علي الحجار عن حقيقة خلافه مع الفنان مدحت صالح بسبب مشروعه “100 سنة غنا”.
وقال الحجار خلال مداخلة هاتفية لبرنامج “الستات”: “مدحت صالح بالنسبة لي فنان كبير وبحب أغاني كتير منه بسمعها، لكن فكرة 100 سنة غنا فكرتي وهو عارف، وبيطلع كتير يقول علي الحجار استاذي”.
وأضاف: “منى الشاذلي قالت لي قبل كدا تحب أجيبلك مدحت صالح، قولتلها: آه طبعا، طلعنا وقال إني أستاذه وكان بيقعد ورا السور يتعلم مني”.
وتابع: “مدحت عارف الدراسة اللي أنا عاملها اللي اسمها 100 سنة غنا دا مشروعي، هو نقله بالظبط، كوبي بيست”.
وأكمل: “الموضوع أكبر من إن اثنين إتخاصموا أو إتخانقوا في الشارع تعالوا نصالحهم، تخيل نفسك بتعمل رسالة دكتوارة تعبان فيها سنين، وبعدين واحد تاني ياخد نفس الرسالة ويسمي نفسه الدكتور فلان”.
وقال: “مدحت صالح طول عمره من أول ما احترف بيغني 5 أو 6 أغاني لنفسه في الحفلة والباقي لمطربين وملحنين آخرين، وما قدمه في حفلته مفيش فيه حاجة جديدة حصلت، هي نفس الحفلة التي يقدمها دائما، وهو يقول هطور وأوزع الأغاني القديمة توزيع معاصر لكن ولا حاجة حصلت، إنما الدعاية هيأت للناس إن في مشروع وراء الحفلة”.
واختتم علي الحجار: “عايز مدحت صالح يطلع يقول كلمتين يبرئ نفسه من إنه أخذ مشروعي، وهو دائما يقول علي الحجار أستاذي فيكلم أستاذه بقى، إنما ياخد مشروعي وعايزني أكلمه”.
