09:00 ص
الخميس 24 أغسطس 2023
تحدثت الفنانة ليلى عز العرب، عن تعرضها للخيانة الزوجية، كاشفة عن رد فعلها وقت معرفتها.
وقالت عز العرب، ببرنامج “الستات”: “أنا مش الوحيدة في الدنيا اللي اتخانت.. أجدع مني مليون مرة واتخانت، أجدع مني وأشهر مني وأغنى مني وأحلى مني وكل حاجة وبرضوا بيتخانوا”.
وتابعت: “ساعات كدة بيحبوا يجربوا نفسهم، لما عرفت فضلت فترة أخد وأدي مع نفسي فترة طويلة، وقررت إني مش هطلق، لأن اللي بينا أكبر بكتير من
غلطة، وهي كمان غلطة مش ممتدة دي كعبلة كده ومتكررتش، كمان اللي حصل ده خلى فيه بينا تفاهم أكتر”.
واستكملت: “أنا نصيحتي لو مش طبع أصيل وغلطة وعدت، عديها، وكمان متخنقوش الراجل، الست الخنيقة دي دمها تقيل أوي، متفضليش تبصي بيبص فين وبيكلم مين، وتقلبي في موبايله، وهتلاقي المعلومة جاتلك لحد عندك”.
وأضافت: “هو اعترف لي لأنه كان راجل طيب ومحترم وجميل، بس الست تغفل ولا تنسى، الموضوع هيفضل محطوط في الأرشيف انتبه، الست زي ما عرفت أول مرة هتعرف تاني مرة”.
