تحدثت النجمة أنغام لأول مرة عن أسرار فشل زيجاتها، دون التطرق بالاسم لأي من أزواجها السابقين، وحذرت في البداية من خطورة حرمان الفتاة من حنان والدها لأنها ستبحث عن التعويض عند الشخص الخطأ، واعترفت بأنها منحت بعض من تزوجتهم قيمة أكبر من حجمهم الحقيقي، وتناست بنفس الوقت قيمتها الحقيقية.
وأضافت أنغام خلال لقائها مع الإعلامي الإماراتي أنس بوخش: مريت بفترة نسيت قيمتي وكم أنا مهمة في الدنيا، أحيانًا مقاومتي بتضعف من كتر ما بقاوم وبحاول طول الوقت أعافر ومش عايزة اتهد لكن اوقات الواحد مننا بيبقى عايز يسيب نفسه يتهد ويستسلم لشعور الإجهاد”.
أنغام: البنت لازم تشبع من حب أبوها
وتابعت أنغام: البنت لازم تشبع حب من أبوها علشان ما تروحش ضعيفة لأي شخص وتبحث عن الأب في شخص غير والدها”.
أنغام: هذا سبب فشل الزواج والطلاق
وتحدثت مباشرة عن زيجاتها قائلة: أنا اتجوزت أكتر من مرة، وأي جوازة اتجوزتها ما كنتش غير أنغام وعملت اللي أقدر عليه، ومش هقول أنا اللي غلطانة لكن هما ادعوا شخصيات غير اللي انتهينا بيها، وده كان سبب فشل الزواج وطلاقي.
أنغام: لن أتزوج مرة أخرى
وتابعت: بعد كل طلاق اكتشفت إن بعطي اللي قدامي حق هو ما يستحقهوش وبحاول اكبره جنبي وده مش صح لإنه مش بيعجب وبعد كده بينقلب علي وبعترف إني ما كنتش حذرة في حاجات كتير، ومهم جدا اكون عندي حذر مع أي شخص بتعامل معاه بس خلاص مش هحب ولا اتجوز وعدم الحب قرار، ومبقاش فيا حمل أذية خالص اني اتزوج تاني.
وقالت أنغام: أعطي للجانب الشخصي في الفترة الحالية 5 درجات من 10، ودايما بطلب من ربنا يشرح صدري، أنا بحب أكون أم في الأول وبعتبر نفسي شخص موهوب من عند ربنا، ومجتهدة وطموحة.
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
