كشف المطرب والملحن رامي جمال عن “عائق طبي” يمنعه من تحقيق حلم إنجاب طفل يحمل اسمه، وقال إنه يعتبر أبناء شقيقه بمثابة أولاده، كما تحدث عن تجربة إصابته بمرض البهاق لافتاً إلى أن الحزن كان السبب الأكبر.
أضاف رامي جمال خلال الجزء الثاني من لقائه ببرنامج “حبر سري” الذي تقدمه الإعلامية أسما إبراهيم: إرادة ربنا ما بتتعاندش وعرفت إني عندي مشكلة في الإنجاب، ونفسي يكون عندي ابن يحمل اسمي بس من نعم ربنا إنه بيراضيني بكل حاجة وباشوف ولاد أحمد أخويا ولادي وولاد أي حد أعرفه من قلبي ولادي”.
رامي جمال: زوجتي ناريمان رفضت الانفصال
وتابع قائلاً: سبحان الله ما بقيتش أفكر في موضوع الإنجاب كنت اللي بخاف عليه مراتي ناريمان وخفت تكون مؤذية من الحتة دي، وقلت لها في مرة احنا بنعيش مرة واحدة مفيش وقت تعملي جدعة وتضيعي على نفسك حلم الأمومة الراجل ممكن يعيش عادي الست اتخلقت عندها الغريزة رقم 1 الأمومة، عمري ما هشوفك قليلة الأصل لو مشيتي بس هي زيي قالت لي كل أنواع الرزق بتيجي لكل شخص لوحده إلا الخلفة دا رزق مربوط لاتنين ولو مكتوب لي أخلف منك هخلف منك ولو مكتوب لي هيبقى منك ولو مش مكتوب لي مش هسيبك لإني ممكن اتجوز من شخص تاني وما خلفش فساعتها هبقى خسرت البني آدم اللي بحبه وفي الآخر هو حلم بسيط بالنسبة لي ما بقاش نفس التفكير بتاع زمان، وطالما ربنا شايف إني أحسن لي مفيش أنا راضي، وجايز أخلف ويتخطف أو يبقى عنده مشكلة أو يحصل له حاجة قبله، فلازم نفكر إزاي اتمنع والحمد مش في العطاء ولكن في المنع”.
رامي جمال: أنا راضي بقضاء الله
وأكمل: “والله من قلبي بقول يا رب أنا راضي والله بكل حاجة حصلت لي واللي يهمني إن اللي بحبهم يبقوا كويسين وما يبقاش الموضوع عامل مشكلة جوا أهلي أو مراتي، أتمنى ميبقاش حد متضايق ليَّ لإني مش متضايق ومش الحلم الرهيب”.
ورفض رامي جمال اتهامه باستغلال إصابته بمرض البهاق وقال: مرة يقولوا لي عني بيعمل تريند بالبهاق ومرة تانية بالطلاق، وكل دا كلام ما لهوش أساس من الصحة”.
وأضاف: “أنا إزاي ممكن أفكر وأنا بتكلم عن ابتلاء في التريند، البهاق عندي من 6 سنين وأعلنت بعد سنة بالظبط لما بقى كتير في وشي، وعلاقة دا بالغناء إن الفنان دايمًا مظهر وفن”.
رامي جمال: معاملة الناس صارت سيئة بعد البهاق
وتابع: “قابلت ناس مش كويسة لما جالي البهاق وفيه حد مرة مد إيده وما سلمش عليَّ بسبب البهاق، وواحد تاني بعد لما سلم عليَّ فضل يغسل إيده على الشاطئ وسأل مراتي هو دا معدي، أنا ما أحبطتش من شوية، فمراتي قالت لي احنا نقوم نمشي علشان دا قلة ذوق واليوم دا أنا اتضايقت مش علشاني لكن علشان مراتي لأنها أحرجت لي”.
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
