حميد الشاعري: أنا وحماقي تعاقدنا مع شركة ذكاء اصطناعي لاستخدام صوتينا بعد وفاتنا – فن

أعلن الفنان حميد الشاعري، تعاقده مع إحدى الشركات المتخصصة في الذكاء الاصطناعي، لاستخدام صوته بعد وفاته، وإنتاج أغنيات جديدة، مشيرا إلى أن هذا حق أولاده.

حميد الشاعري تعاقد مع شركة ذكاء اصطناعي

قال حميد الشاعري، في بودكاست الفنان عباس أبوالحسن: «أنا شايف الذكاء الاصطناعي عظيم، يعني لما ربنا يفتكرنا يبقى نفسك تسمع أغنية جديدة بصوت حميد مثلًا، أنا حطيت بصمة صوتي ادتهالهم تعاقدت على ده عملت البصمة».

وأضاف: «وكمان حماقي عملها كلنا هنعملها، لكن لسه مفيش حاجة طلعت، وأنا موجود محبش حد يستخدم صوتي، لكن أنا بعت حق البصمة كورث لأولادي، لو ابني عامل أغنية جديدة وعايز يسمعها ببصمة صوت أبوه، هيعمل أغنية بصوت حميد هيجيب بصمة صوته».

حميد الشاعري يكشف رأيه في الذكاء الاصطناعي

وتابع حميد الشاعري: «الذكاء الاصطناعي له مميزاته، وله أضراره، أضراره ممكن أنك متتقدمش بصورة حلوة، لكن أنت ممكن تشوف فيلم لعبد الحليم جديد وهو بيمثل، والذكاء الاصطناعي موجود من 2014، وإحنا مش ممكن نقدر نقف ضد التطور».